නිශ්ක්‍රිය වෙලා තිබුනත්
සක්‍රිය වෙන්න දතකන
බැදීමක් කියන්නෙම
තනිකර ගිනි කන්දක්❕

නදී රුබසිංහ ????️

"කෙසේ හෝ ඉවසිය යුතුමය"

අසම්පූර්ණ කතා මත
සීතල වැහි කෝඩයන්
ඇස් කෙවිනි හාරමින්
තෙත් කලත් දිනෙක,

රිදුම් දෙන මතකයක
ඔහේ ඈතට සැරිසරා
තවත් පාරා කුමට
හිතේ ඇතිවූ සන්තාප,

"කෙසේ හෝ ඉවසිය යුතුමය."
තුවාල වුනු සිත නොපාරන
ආධ්‍යාත්මිකව හිමි සතුටක
නිමාවකින් අවසන් වන තුරු


නදී..✍️
2022/09/26

හිතින් ඈතට නොයයි නම් නුඹ~????

දිනෙක ලංවුනු දිනෙක වෙන්වුනු
සුසුම් අතරින් අහඹුවක් ලෙස
හදේ ගැඹුරැති තැනක ලියවුනු
වින්ද නාදුනන නුබේ ප්‍රේමය,

අහිමිවන බව දැනත් ලංවුනු
හැඟුම් මිහිදන් කරන් හිත් තුල
විඩබර හිත නිවා සැනසුව
උරුමයක් නැති නුබේ ප්‍රේමය,

අතින්වත් අත නොඅල්ලා ගෙන
හිතින් අල්ලා ගත්ත ප්‍රේමෙක
අලුත් පිටුවක ලිව්ව කවිකම්
බොදවෙලා අද නොසිතු විලසක

වසන් කරගෙන හිතේ දුක්ගිනි
ලොවක් අභියස සිනහ සෙන්නම්
කතා නොකලට එදා මෙන් අද
හිතින් ඈතට නොයයි නම් නුඹ

නදී..✍️

බැදුනු හිත මත හැඟුම් මිටි වී පෙලන හඳ වේදනා බෝමයි
කඩා හැලෙනා දහක් තරු මැද මැව්ව සිහිනයන් තවම එතනයි
ආලයෙන් පිරිමැද්ද සිත දැන් බලා පෙර මං විඩාබර වී දෑස කකියයි
වඩිනු මැන යලි සිහිනයෙන් වත් සිත ආලයෙන් සෙව්වෙ නුබවයි.

නදී ..✍

මාතර අහස යට
හිරු බසින එක
සැදෑ වරුවක...

ගිරිකුලෙක වැද
බිදෙන විසිරෙන
සුමුදු රළ දෙස
බලා සිටියෙමි.

තහන්චි දැමූ
සිතුවිලි වරක් වත්
උඩු සුළගට
පාවෙන්නට නොදීම

"සිරගත කලෙමි"

සාක්ශි ,
නිදහසට කාරනා
යලිත් විපරම්
නොකරාම....

නදී..✍️

"විල් දියක පිපි සුවඳ සුදු පාට මල නෙළුම්
නෙලා ගනු නොහැක දිය ගැඹුරැතියි හුගක්
ඈත සිට බලා නෙතු මතින් පොදිකල හැඟුම්
තනිව මම විදිමි වැව් ඉස්මත්ත මත ඉදන්"


නදී ..✍️
2022/07/06

????

හීනයට පණ දෙන්න
දුවන විට හෙම්බත්ව
සයන ඇතිරිලි සිනා
හඩ සවන් වැකුනාට
නෑසුනා සේ ඉන්න
ඇහැකියිද මට
ඉතිම්,
තොටුපළත් පෙනෙන
නොපෙනෙනා මානයක
මගේ ළඟ නැංගුරම්ලාපු
කරුම ථීනමිද්දය උඹ
නිසා ....

(කරුම නිදිමත)????☹️

මම
නදී ..✍️

නුඹයි දිවියේ නිරිදුවූ...

රත් - රුදිර බිදු සුවද තවරා
පිදූ සෙනෙහස නාමයෙන්
හිත් - අහස මත පායාපු ලළිඳු, නිවා සැනසුව ආලයෙන්
විත් - රිදුම් දුන් හිතෙහි කැකරූ
සීත ලතැවුල් හෙමිහෙමින්
ලත් - තැනින් සිත් සුවය සැදුවා, රිදී නුඹමිණි රශ්මියෙන්

සියැසි - අද්දැකි ජීවිතේ ගැන කියාදුන් දෙවි කෙනෙක්වූ
මියැසි - කවියක මුල් තනුව නුඹ දිවිමගේ හමුවුනාවූ
නිවැසි - අරණට එළිය කැන්දන පහන් වැටකින් එකක්වූ
සියැසි - දිවියේ ඔටුනු නොපැලදි නුඹයි දිවියේ නිරිදුවූ

සිහින - මවලා අපේ දිවි ගැන අදුරු කුටියක හෙලු සුසුමක්
සිතන - තරමට බරවැඩියි මට, තාත්තේ නුඹ සේනෙහෙ ගඟුලක්
පතන - පැතුමක අපේ ලෝකය සුවද වෙන්නට බොහෝ සිතුමක්
වචන - ගලපනු බෑ, ලියන්නට පද නුබේ ගුණකද මහමෙරක්

අචල - දාරක සෙනෙහෙ හංගා වැටෙන විට අත්වැට වෙලා
පතල - වන්නට ලොවක් අභියස පවුරසේ නුඹ, සිටිය රැකලා
නිසල - ගුණදම් වඩන්නට මග පෙන්වමින් දිරියදී සවිමත් කලා
සිසිල - ඒ ගුණ බලෙන් දිඝාසිරි
පැතුම්... තාත්තේ, මම එක්කලා

නදී ..✍️

පිටු 362 ක් හිස්වෙච්ච 21ඩයිරි පොත~~~

පටන් ගන්න ,අලුත්ම තාලෙකට
දුරුත්තේ පළමුදා
අහස් ගව්වට එහා මවපු
හීනෙකට විතරක් සීමාවූ
ලියපු සටහන් පිටුව...

පුටු රත් කරන් ටීවි එක ලග
කරබාගෙන බලා උන්නු
ගෙදර කවුරුත් එකතුවෙලා
හැබැයි සතුටින්ම සමරාපු
අප්‍රේල් 14දා අවුරුද්ද ...

මාස ගානක් බලන් උන්නු
අවුරුදු ගාණක මහන්සිය
උ.පෙ ප්‍රතිපල දුන්නු
වෙසක් මහ 4 වෙනි දවස...

විතරක්ම ලියවෙච්ච
හිස් බවක් පැතිරිච්ච
වැඩ හුගක් පහුවෙච්ච
හීන ගොඩක් මග හැරිච්ච
2021 අවුරුද්ද ...

මේ හැම දේටම,
නිහඩ සාක්කිය
පිටු 362 ක් හිස්වෙච්ච
21 ඩයිරි පොත ...????????️

නදී ..✍️

අඩන්නට දැන් කදුළු අමතක, මටත් තිබුනා පන්හිඳක ප්‍රේමයක්..❤️

ඉඩෝරය හුරු හදවතට යංතං වසන්තේ ඉගි බිගි කරන්....
සදසාවි හිත තනි මකන්නට
කුමරු සිත හොරකන් කරන්....
සිතුම් පුවරුව මැද්දෙ හැමදා
කවියකින් හැගුමන් ගොතන්....
පෙමක් තිබුනා අතින් නොඇලූ
හිතින් පණ මෙන් ලං කරන්....


සිතේ ලියවුනු හැගුම් එකිනෙක
පෑන් තුඩකින් කවි කලා....
කවුද කවරෙකුදැයි නොදැන නුබෙ
හදවතට මම් පෙම් කලා....
මගේ හද රිද්මෙට සමයි නුබේ රිද්මෙත් නුබේ දෑතින් ලියවිලා...
නුබෙන් පිලිතුරු කවක් අභියස
මගේ නෙත් දෙක තෙත්කලා....


ගලාගිය සීතලම දිය පොද මත් කරන් මීවිත ලෙස....
දිනෙන් දින ලං වෙනා හදවත්
කුමට නොදැකින් මේ ලෙස....
දිනක් දාගෙන මුනගැහෙන්නට
හුස්ම වැදෙනා ලග ඉද...
හීන දැක්කා වැඩිද මන්දා
නොදැන පෙමට වස් දොස් වැදේද....


පෑරෙනා හදවතට තබා හිස්තැන් නුබේ සවනට ඇය නොකී කතාවක්....
මමත් නුබත් මැද්දට ඇයත් පැමිනි
බැව් ලොවෙන්ම සගවාපු රහසක්....
මහ සයුර වෙත කදුලු දියකල
නොවැම්බරේ එදත් අද වගෙ දවසක්....
අහම්බෙන් හැමු චන්ඩ සුලගට
පණ ගැහි ගැහී මිහිදන් වුනිය ප්‍රේමයක්....

"අඩන්නට දැං කදුලු අමතක ,
මටත් තිබුනා පන්හිදක ප්‍රේමයක්....."

මම,
නදී..✍️

එඩෙල්විස් මලට පෙම් කරමි මම ලොවටම හොර රහසේ... ❤️❤️

පොප්ලර් හිම තුහින ගත පුරා දැවටී හිනහෙනා ...
විදින්නට හැකි නෙලන්නට බැරි දුරක ඉදිනා...
බලා හිද නෙතු අගින් පෙම් සෙනෙහෙ ගන්වනා...
සිහින කුමරු නුඹවම තමයි හදවතේ පොපියනා...

ලං වෙන්න නම් සමනල තටු රිදුම් මැද...
සැඩ සුලං බැමි බිදිනු බැහැ තවත් අද...
නටුව රිදවා වෙන්කලොත් මල සබද...
රැකගන්න බැහැ නටුවසේ ලගින් ඉඳ...

උරුමයක් නැති කලක මලේ පෙම විද ගන්න සිත්සේ ...
දුක් නොවෙමි සතුටු වෙමි ලංවුවත් තව සමනලියක රහසේ...
දුරින් ඉඳ බලා සැනසෙන පෙමක් ළඟ රැදී සිත්සේ...
"එඩෙල්විස් මලට" පෙම් කරමි මම ලොවටම හොර රහසේ... ❤️‍????

මම ,
නදී..✍️

*(*ප්‍රේමය යනු උරුම කර ගැනීම පමණක්ම නොවේ .)

අ)සම්මත පෙමක් ළඟ නතරවුන ආත්මාර්තකාමී පෙම්වතෙක් ගෙන් තම පෙම්වතියට...✍

පලමු පෙම ළඟ කෝඩුකාරී මැණික නිම්නාදරී...නීල නෙතු දිගු වරල සරසයි ගත නාරී...රැක්ක දැහැනින් මිදුනි දුටු රුව මනහාරී... පෙරුමන් පුරා ඇසුවෙමි වෙනවද දිවියට භාරී...

හදවත හොයපු මංදාරම් එක සැදෑවක... හිස මත දිවුර සින්නක්කර පොතක... දිවියම භාරී වෙන්නට පුලුවනි මැණික...
කී බැව් සිහිවෙන විටයි දුක මුව අහිංසක...

දින සති ගෙවී අපි පෙම් සයුරක ගිලිලා කාලය ගෙවී යයි... දොඩමළු මැද ගතවීලා ආපිට පෙරලනු නොහැක ගෙලටම තොණ්ඩුව වැටිලා... කියනුයේ කෙලෙස මං විවාපත් අයකියි කියලා...

කියා ගත නොහැක මට බලා නුබෙ මුවග දෙස ...ඉවසාන ඉනු හැකිද දෙයක් ඇත කියනු නීරස ...සෙනෙහසක් නොමැති මුත් පියාගේ කීම වස....විවාපත් වුනා මං නෑණන්ඩිය සමග පෙර දවස ...

ඇසිල්ලක් පමාවට නෙතට ඉනු කදුලු කැට....දෝරෙ ගැලුවා කොපුල් වෙන්න රත් පුඩු පැහැට...එහෙත් මං දැක්කෙ නෑ නුබෙ තරහ ඇස් දෙකට..දෙනවද සමා මැණික මේ සෙල්ලක්කර හිතට

ඉන්නට හැකි නම් නොයා මේ පපුවෙන් එපිට...සම්මත නැති නමුත් දෙන්නම් සතුට නුබෙ හිතට...නුඹ නොමැති නම් මැණික මියදේවි මං දුකට... කිව්වෙ උණුසුම්ම හාදුවක් තියා නුබෙ නලලතට

සැගවුවත් සත්‍ය නොපෙන්වා වැලි කැට යට...හිදිනුයේ කෙලෙස තවත් දී ගිනි නුබෙ හ