Nisadas

Write your thoughts.

Nisadas gives you space to write and publish your creative poems, thoughts and stories in a nice and simple way among the worldwide Nisadas community.

Ranatunge Jayawardene 2 weeks ago 18 0 0

බලු කම

අනේ බලු රාලේ
මාස් මාළු නැති වේලේ
අපිට බැරි කාලේ
ඒක කාටත් දැනෙනවානේ
***
ඇලේ පැන නාපං
අහුවෙන දෙයක් කාපං
බලු කෑම දීපං
කියා බොරුවට බුරල බෑ බං
***
යාළුවෙක් දුටු විට
ගොරොවා නොගොස් එදෙසට
මස් ලේ නැති කට්ට
දීල දාපං තලු මරන්නට
***
ගෙඩි කඩන් කෑවට
ලිඳකින් වතුර බීවට
හෙවනට එන උන්ට
බුරා ගෙන යනු බෑය මතුවට
***
වසරෙ දින ඔක්කොම
නිවාඩුව වත් නොගෙන ම
වැඩ කරන දවසෙ ම
කෑම පමණයි එකම ඉල්ලුම
***
අපි කරන සේවේ
කිසි ඇගැයුමක් නෑනේ
වැටුප් නැති වේලේ
නිකං බලපන් උන්ට බෑනේ
***
කුල මල ජාති ආගම්
ගැලපෙන පයිරු පාසම්
පාට කළු සුදු නම්
කොහොම ගලපමු බල්ලො වීනම්
***
වල්ගේ ඇද වූව ද
කකුල් හතරක් වූව ද
බුර බුර නොකීව ද
උන් ණයයි නුඹ නොදැන සිටියද ?
***
යන යන තැන අපට 'රජ සැප' ලැබීයන්
වෙනදා වගේ පාරෙදි මුන ගැහීයන්
හිතවත් මිතුරු කම හැමදා රැඳීයන්
'බල්ලා' යන්න වෙන අයෙකුට නොදීයන්
--------------------------------------------------
රනේ/04අප්‍රේ2024/ බලුකම

Write your thoughts.

Latest Writings

දෙගුරු

බලු කම

කුස නොදැරූ මගේ ලෝකයේ මවු පදවියෙන් පිදුම් ලත් ඇගේ උපන්දිනය..

Top Writers