*$@n¢hi* Nisadas Count (22)
*$@n¢hi* 8 months ago 64 4 2
අදත් සොදුරු දවසක් බටහිර අහසත් රත් පැහැ වුණු මගෙ හදත් බර විඩාවක් නුඹත් නැති සැදෑවක් හිරුත් බැස යන ගිනි ගත් අහසක් මමත් දුටුවා තනි විහගකුත් කුරුලු රංචුවක් මග හැරුණු සෑදෑවත් හරි සුන්දරයි නුඹ වගේ හරි හැගුම්බරයි විටින් විට වෙනස් වී යන අරුමයයි මට නම් එය උරුම සිතුවමයි❤ ~sahini~
*$@n¢hi* 8 months ago 62 0 4
කවි පොතක කවි තිබුණා පිරෙන්න... ඒ හැම කවියේ නුඹ හිටියා නොදැනීම... මට මා අමතක වී ගියා රහසේම... පුදුමයි කාලය ගෙවිලා නොදැනීම... නුඹ වෙනස් වෙලා ඇත්තටම... ~sahini~
*$@n¢hi* 8 months ago 108 6 9
සසර සයුරේ සැඩ මාවතේ කටු අකුළු ගමනේ නුඹ මට සවිය ගෙනේ විටෙක ඔසුවකි නමුදු විමතියකි නුඹ මා වෙහෙසීමටද, සැනසීමටද, සමත් වේ නමුත්,මම දනිමි මියෙන තුරාවට නුඹ මා ළගය මා නුඹ ළගය 'අධ්‍යාපනය' මාගේ තෝතැන්නය... ~sahini~
*$@n¢hi* 8 months ago 53 1 2
සැගවුණු ගිණි පුපුරු අළු යට තිබේ නම් ඒ මත අලුත් දහමක් යළි පුබුදින්නා සේම.... පිළිස්සුණු හදවතක ඉතිරි වුණු භෂ්මාවශේෂ ආයේ ආයේම දැවෙන්නේ නැත... ~sahini~
*$@n¢hi* 8 months ago 55 3 4
නින්ද නේන රාත්‍රීයේ සිතුවිලි පමණක් අවදියේ අද හෙටක් නැති කවේ අයේ නුඹ මට - මා නුඹට හීනයක් වුණාවේ... වසන් වන සද වළාකුලකට නුරා රහසේ පැවසූ විරහවේ වේදනා ගංතෙරේ අරුමයක් නැත ජීවිත කතාවක උරුම ආදරේ නගන දුක් ගිනි අරුමයක් නම් නොවේ... කතා කරනට සමත් වෙතොත් පන්හිදත් කියා දෙයි රැයක් එළිවන තුරා ආලයේ පෙම් ප්‍රාර්ථනා... ඉදින්, නින්ද නැති රෑ පුරා පොතත් පැනයත් තනිකමට උරුම වුණා වේ... ගතින් වෙන් වුණු හදින් මා ඔබ ගැන ලියූ කවක් මෙලෙස අවසන් වුණා වේ...❤️ ~sahini~
*$@n¢hi* 8 months ago 63 4 3
එකම එක ආලෝකයකට හැකිනම් අදුරු තැන් එළිය කරන්න... බලාපොරොත්තු වුණේ මොනවද එළියම දී නිවී යනවා මිස...❤️ ~sahini~
*$@n¢hi* 9 months ago 33 0 0
හිමිදිරිය පුංචි කුරැල්ලන්ගේ කිචි-බිචි නාදයෙන් හැඩ වෙද්දි,ඝෝෂාව පිරුණු හෝරාව උරුම වුණේම දහවලට.ඒක නිසාම තමයි රාත්‍රීය එතරම්ම නිහඩ වුණේ. ඉදින්,මේ සොබා ධර්මතාවයම ඇති නේද ජීවිතය දෙස යතාර්තවාදීව බලන්නම.නොවෙනස්වන ධර්මතාවයක් නැත.විනාඩි-පැය-තත්පර-සති-මාස-අවුරුදු ගෙවෙන්නේම ඔය විදිහට.ඒ නිසාමතයි හිමිදිරි උදෑසන ළා හිරැ රශ්මියෙන් නැහැවෙද්දී දහවල ඒ හිරැ එළියම චණ්ඩ වුණේ. ඒත් බටහිර අහසම අදත් ගොම්මන හැන්දෑවක් කරා. අපේ ජිවිතේ අපිට මුණගැහෙන මිනිසුත් එහෙමයි. විටෙක ළා හිරු මඩලක් වගේ. සමහර තැනක චණ්ඩය. ඒත් විටෙක ගොම්මනට නෙක වර්ණ මුසු කරන සොදුරු සැදෑවක් වගේ... ~sahini~
*$@n¢hi* 9 months ago 53 1 2
මටම මා අහිමි වී මෙන් දැනේ කාලයත් වේගයෙන් හොරෙන් ගෙවේ මහම මහ මූසල දවස් හැගේ මටම මා අමතක වූ බවක් සිතේ... ජීවිතේ හරි අභියෝගයක් මෙන් පෙනේ මොන පව්කාරකම්ක් දැයි විටෙක හැගේ හැගීම් වලින් විටෙක මා හද තැවේ සෝ සුසුම් ළග සිරවූ මා මෙසේ මටම විතරද හැගෙන්නේ මූසල බවක් නැවත අසන පැනයට නෑ පිළිතුරක් ලොවක් අස්තාවරව ඇදී ගියත් 'ඉවසන්න' ලැබෙයිලු නිවහනක් හැමදාම මෙන් සුපුරුදු බණ හඩක් ඇසෙයි කදු කෙළවරෙහි දැමූ පිරිතත් ලොවක් අවදියේ ද අද මං වගේ සොබාදහමත් කියා දෙන පාඩමක් දෝ මේ අනේ....??? ~sahini~
*$@n¢hi* 9 months ago 82 3 0
අවැසි අඩ සද අවරට යද්දී මං බලන් හිටියා. දේදුන්නක් නොමැති වරැසාවක් ළග හඩා වැටුණා. උණුසුමත් නැති හිමිදිරියදි පවා උල ලේනුන් හැඩුවා. අද - හෙටක් නැති කවක පේළි මං ගැළපුවා... බැස යන හිරු වූවද බටහිර අඹර හැඩකරා. මහ වරුසා වූවද නියං සම එළි කරා. දැඩි උණුසුමක් වුව මද පවනක් සහනය ගෙනා. හරි පුදුමයි දැවෙන - තැවෙන - පෙලෙන තැනදී නුඹ සවිය වුණා...❤ අමරණීය මතකයක සේයා රූ නුඹමැ වීය... ~sahini~
*$@n¢hi* 9 months ago 42 2 0
මද පවන නිසසලයි හද තවන ඔසු හලයි හුදෙකලාව නිවන් හලයි එතරම්ම අද සුවයි... තුරැ ලතා පැදි පෙළයි බට පදුරු තාල බදියි හද ගිමන් හලයි අඩ සදත් අඹරට හැඩයි... නිසංසලයි රැයත් දිගුයි තුරැ අතරින් පෙනෙන සදුයි නුඹත් හරි හොරයි නොකීයාම ගිහින් දුකයි...❤ ~sahini~
*$@n¢hi* 1 year ago 44 4 4
දහසක් අරමුණු පොදි බැදන් තැබුවෙමි ඔබ අසපුවට හිස නමා පා එදා බැදි ඒ ප්‍රේමයේ නැවුම් සුවදයි අදත් ගලනුයේ... හදවතේ රැදි දහසකුත් වියෝවක ගී එලිසමය සොයමින් ලතවෙයි තවමත් ඔබේ නමට ලීයූ ගී... පුංචි සංදියේ අතරමන් වූ හද ගිගුම් නගනූයේ රස මතකයන් හී සුවද සොයමින් යලිදු වසරක් දෙන්න මට ඔබේ නමින් රැදී සිටින්නට... මඩුලු මවුනි සැමදා රැදෙමි හද තුළ ඔබ නමින් උපන් ආලය නොරහසකි එය සමුගනිමි තව නිමේෂයකින්..... පුරා වසරක් රැගෙන ආ ආලයේ රස මිහිර අසුනු සැනකින් ගෙවී යන බව සිහිනයක් මට සත්තකින් එය සිහිනයක්මය... (පාසල තරම් සුන්දර අතීතයක් යළිදු නොයනු ඇත) ~sahini~
*$@n¢hi* 1 year ago 31 6 7
කාලයක් මටත් තිබුණා ජිවිතේ කැප කරපු දේවල් යළි යළි මතකය උණා අතීතය දුර නෑ අපි එක් වුණා යළි සුසුම් රැළි පා වුණා... මහද සිතුවිලි හද දරා අතීතේ එක නිම්නයක අපි හමු වුණා මල් පාට ගෑ සායම් වලින් සිනහවට පාට අපි එක් කළා එකම එක වැහි පොදක් පාට පොත සේදුවා... යළිදු, නුඹ අහස වී සුසුම් හෙලන මා ලෝ තලය වී...❤ ~sahini~
Copyright © 2021 Nisadas | Powered by Arvin Apps
