අහෝ චීවරය දැන්නම් ඕනෑම නැත....?

දන් හැන්දක් නොදෙන එවුන්
සිවුරේ ශීලය සොයති
ඔය චීවරය ඇදැයි කියති...

ලයිට් බිල ගෙවන්න
ආවාසේ උළු වහන්න
තඹ දොයිතුවක් නොදුන් එවුන්
පන්සලේ ආර්ථිකය සොයති....

අපේ හාමුදුරුවනෙයි වැද වැටී
පා ලෙවන උන්
චීවරධාරියා යැයි
ලියති කියති....

හැබැයි උන් දන්නේම නැත
සෙත් පතා පිරිත් කියන්නේ
අනුකම්පාවෙන්, කරුණාවෙන් බව
බණ කියන්නේ බෝධි පූජා තියන්නේ
උගුරේ ලේ රහ එනකං
දම් දෙසන්නේ.....

රස බොජුන් නොවුනත්
ගෙනත් දෙන පාන් සම්බෝල
දිය රස වූ දානය වළඳන කළ
කිසිම දිනක සිතේ
වෛරයක් නැතිබව....

අනේපිඬුසිටුතුමා නැති
බන්ධුල මල්ලිකාවුන් නැති සමාජයක
සොයයි නීතිය පන්සලේ
පොඩි සාදුගේ රහත් බව....
එදා ගතට බරක් නොවූ චීවරය
උන්වහන්සේට අද
බරක් වී දැනෙන හැටි...
??????