Deesha(දීෂා)❤️ 3 years ago 100 4 6
කඳුළු නෙත් ඉම සැරිසරන විට
ලඟින් හිඳගෙන දුක අහන්
සිනිඳු සුදුමුදු දෙඅත් එක්කොට
වැටෙන පිණිකැට පිසදමන්
නුඹේ ළමැදේ හොවන් මා හිස
සිනාවක් දුන් අනුහසින්
මවකි නුඹ මට දිවිය නැවතත්
පිදූ මා වෙත සෙනෙහසින්...
වැටෙන හැමවිට දෙඅත් අල්ලා
නැඟිටින්න දුන් ධෛරයෙන්
නොදුටු බෝසත් ඇසින් දුටුවෙමි
මහා සත්ගුණ ශක්තියෙන්
වේදනාවෙන් දැවෙන සිරුරම
දෑතින්ම නුඹ පිසලමින්
දෛවයේ කස පහර විඳිමින්
නුඹම එතුනා මා වටින්...
කිසිමදා බර අහක නොදමා
ලැබූ තිළිණය ලෙස සිතින්
පළඳන්න අවසර දෙන්න මට
ආදරේ කිරුළම හිසින්
රුහිර කිරි වන දවස අත ළඟ
නැඟිටින්න නුඹ වෙර දරන්
රැකේවා නුඹ ගැබත් සමඟින්
නෙත් දහක් ඇත මඟ බලන්....
? ඉක්මන් සුව පතමි! ?
චතූ 3 years ago ලස්සනයි ???
Deesha(දීෂා)❤️ 3 years ago ? Thanks
ශශී❤️? 3 years ago ගොඩක් ලස්සනයි ❤?
Deesha(දීෂා)❤️ 3 years ago Thanks ?
සත්සරණි 3 years ago Lassni ❤❤
Deesha(දීෂා)❤️ 3 years ago Thanks ❤️