පෙම්වතෙකුගේ කවක්

දුරුත්තේ හීතලට හැඟුම් කැටි ගැහෙද්දී
ඇසළ මහ පිණි පොකුරු හිතට ගොඩ වැදෙද්දී
වැහි හුළං හීතලට හැඟුම් පොදි බඳිද්දී
නිශාවට වැටෙන පිණි කඳුල ඇය මුවැත්තී

සීරෙනා පෑරෙනා හිතම ගිනි ගනිද්දී
නැගෙන ගිනි දැල් පපුව අවුළුවා තබද්දී
හීනයෙන් හීනයට නුඹව සිහි ගැනෙද්දී
මටද මා අහිමි විය ප්‍රේමයක් දැනෙද්දී

වසන්තය නිමවෙන්න පෙර දෑස හමුවෙන්න
දිගු නොනිදි රෑ ගණන් එපා ආයෙත් එන්න
ප්‍රේමයේ පිපාසය සිඳුවමින් සනසන්න
පෙම්වතී වැස්සක්ව හද මලට බරවෙන්න



චතූ ✍️