Nisadas - Writer

Vosandi Dissanayake 2 years ago 78 4 4

සුන්දර මතකය

සති අන්තයේ ඉරිදා දිනය
වීය මට මහ වැඩ ගොඩක්
විටෙක තිත්තයි සිතුන
ලෝකෙ තරමට වැඩම කරන
අපේ සුන්දර ගණන් පන්තිය

සයුර රළ රළ නගන තරමට
කෑව ගුටි බැට තවම මතකයි
දෑතේ දෑගිලි වලට වැඩියෙන්
වින්ද ටොකුරස තවම වෑහෙයි

පංතියේ යහළුවන් සමගින්
විටෙක දෙඩවූ මුදු කතා බස්
කොහේදෝ සිට ඇවිත් මුව මත
හසරැලිත් සිත්තම් කළා

බිත්තියේ සුදු ලෑල්ලත් ඇත
බිත්තියටම බර දීලා තවමත්
එහිම තිබෙනා මේසේ පුටුවත්
තවම පවතියි එදා විලසින්

නේක හැඩ වැඩ දමා නිම කළ
මගේ ලස්සන ගණන් පොත් ටික
බලා ඉන්නවා හිනැහි හිනැහී
දෑතේ උණුසුම ලබන්නට මෙන්

Vosandi Dissanayake 2 years ago 70 3 3

දෙදෙරූ විවාහය

නොනිමි පැතුමන් තිබෙන්නට ඇති
බොහෝ මල්දම් ගොතන්නට ඇති
ගෙලෙහි පලදා සිටින්නට ඇති
මලෙහි ලස්සන විදින්නට ඇති

සුපුෂ්පිත මල පරව ගියදා
නැගුනි හද තුළ කෝප වරුසා
ලිපෙහි ලිප්ගිනි වැඩිව ගියදා
මෙනෙහි විය ජීවිතය දෙදෙරා

මලක් පිපුණා දහස් පෙතියා
සුළගේ පාවි ගියා නොකියා
බලායිමි නැවතත් එනතුරා
නොඑන්නේ කිමදැයි ප්‍රියා

Vosandi Dissanayake 2 years ago 95 2 2

අමතක වූ ආදරය

වසර ගණනක් තැනුව කූඩුව
තිබෙයි තවමත් හුදෙකලාවම
කූඩුවේ දොර තවම එලෙසම
ඇරෙන්නේ නුඹ පැමිණි විගසම

මතකයේ ඇත නුඹ සමග මා
දෙපස හිදගෙන පන්සලේ බිම
ගෙතූ මල්දම් කියූ නෙක බස්
නුඹට අමතක වී ඇතත් අද

ගෙයින් ගෙට ගොස් පඩුරු එක්කොට
සැදුව කූඩුවෙ පාට මතකද
වෙසක් දිනයේ සදුගෙ එළියෙන්
පහන් දැල්වුවා නුඹට මතකද

පාසලේ එක පන්තියේ අපි
අකුරු කෙරුවා නුඹට මතකද
පන්තියේ නුඹ මාව පරදා
පළමු තැන නිති ගත්තා මතකද

සැමට හොරැහින් නුඹම සැමදා
මගේ පසුපස ආව මතකද
හදවතින් මුත් නුඹට මා කළ
ආලෙවත් දැන් නුඹට මතකද

Vosandi Dissanayake 2 years ago 102 3 2

සිහිනය

පාට පාට මල් වැටිච්ච
සාරි පොඩ්ඩ
ගත වට දැවටෙනවා

නේක නේක හැඩ වැටිච්ච
මාල පොඩ්ඩ
ගෙලවට කැරකෙනවා

හීන් සැරේ සුවද හමන
මල් විලවුන් ගත දොවමින්
සමනලියක කොහෙන්ද විත්
රතු අන්දයි මගෙ දෙතොලට

උස සපත්තු දමාන මං
යනවිට පාසල අසලින්
ළමයි රෑනක් ආවා
දැවටෙන්නට මා වටකට

හසරැල්ලක් මගෙ මුව මත
කොහෙන්ද පැනගෙන ඇවිදින්
රෑ පුරාම නිදි යහනට
සිහින ගෙනෙයි හැම මොහොතෙම

Vosandi Dissanayake 2 years ago 70 2 3

හිමිදිරි හැගුමන්

හිමිදිරිය සීතලයි
මගේ සිත කිලිපොලයි
නවමු රැස් දහරකින්
දිනකරද අවදිවෙයි

සොදුරු උවනෙත ඔබගෙ
සගවමින් අප සැමට
ගිනිගහන රැස් දහර
රජ කරයි ඔය හිතග

කවුරු දුන්නෙද ඔබට
ගිනිගහන ඔය තරහ
නැද්ද පොඩි අදහසක්
නිවා ගන්නට ඔන්න

ඔබ නිසා අප සැවොම
අවදිවෙයි කඩිසරව
නමුත් ඇතැමෙක් ඔන්න
බණියි සැමවිට ඔබට

ඔබට හැකිනම් සකිය
අදට පමණක් ඔන්න
ඉඩ දෙන්න තනි මෙමට
සද එළියෙ ගුලි වෙන්න

Vosandi Dissanayake 2 years ago 71 2 2

තුරුණු වියට පා තැබූ නැගණිය

නිමාවුනි නොවේද?
ළමාවිය සොදුරු
සැහැල්ලුව,
විවේකය,
දගකාරකම්
ගිලිහුනා නොවෙද නැගණියනි
මගේ
වගකීම් දැනුනෙහිද දිවියෙහි
තහංචි වැටුනා නොවෙද,
නොනවතින්න
සොයාගෙන යන්න දිවිමග
හමුවේවි මන බදනා
නෙක නෙක දේ
රුදුරු වූ මේ සමාජයේ
ඉගි බිගි පැමිණේ දසතින්
යන්න දරාගෙන ඉදිරියටම
මතකයට ගනු මැනවි
පා තබා ඇති ඔබ තුරුණු වියට

Vosandi Dissanayake 2 years ago 83 3 2

සුළග

මා යනෙනා,
හැමවිටෙකදි,
මා පසුපසම පැමිණෙයි ඔබ,
ලුහුබදිමින්ම,
සැහැල්ලුයි ඔබ,
මන බදියි,
මා වටා දැවටෙයි ඔබ,
සිනාසෙයි,
නමුත්,
ඔබව නොපෙනෙන්නේ,
මා හට පමණිද?

Vosandi Dissanayake 2 years ago 82 5 7

දයාබර මිතුරිය

"උදෑසනට රැස් විහිදන හිරු කිරණ නුඹයි
තණ පලසේ මුතුකැට බදු පිනි බිදුව නුඹයි
මහ සයුරේ රැළි නගනා සයුරු රළ නුඹයි
මිතුදමකට එළිය දුන් පුන් චන්ද්‍රයා නුඹයි

ගණ අදුරේ එළිය ගෙනෙන පහන් සිල නුඹයි
පාළු සිතට සතුට ගෙනෙන පිනි වැස්ස නුඹයි
රෑ අහසට මනරම් වූ තරු කැටය නුඹයි
හන්තානට පායා ආ හිරු මඩල නුඹයි

අහස් කුසේ මනරම් වූ වලාගැබ නුඹයි
පොළෝ තලේ දිස්නය දෙන මිණි කැටය නුඹයි
රිදී ඉරක් සේ සෑදුණු දිය දහර නුඹයි
කටු අතරේ පිපී දිලෙන රෝස මල නුඹයි......"

Vosandi Dissanayake 2 years ago 93 6 6

ජීවිතය ඔබේ

"ජීවිතය ගංගාවක් කරගන්න
ඉදිරියටම ගලාගෙන යන්න
හමුවේවි අභියෝග
නොසැලි යන්න ඉදිරියටම
වෙහෙස දැනේ ජීවිතයේ
ඒත් කෙටි කලකට
අරඹන්න
ඒත් එසැනින් කඩා වැටෙයි
වැටි වැටී නැගිටින්න
ජය ගන්න
ජීවිතය ඔබේ...."

Vosandi Dissanayake 2 years ago 59 6 7

අපි නොවන අපි

"පන්සලයි අප දෙදෙන ආදරෙන් ළං කළේ
බෝ මළුව විතරමයි සැනසුමක් එක් කළේ
ගමේ සිටි රතු නෙළුම නුඹයි මට පෙම් කළේ
මා පියන් පැන ඇවිත් අප අපෙන් වෙන් කළේ

ගෙවී ගිය කාලයේ බොහෝ දේ සිදු වුණා
බෝ මළුවෙ සැමදාම මල් පහන් දැල්වුණා
අතරමග හමුවුනත් සිනහවෙන් වෙන් වුණා
හැමදාම හද කොනක නුඹ ඇවිත් මතු වුණා

ආදරය සැපතක්ය සැම ඇවිත් කියූවත්
ඒ මතය දුක් කදුළු සැම ඇත්තෙ සිතූවත්
මව්පියන්ගේ බසට කීකරුව සිටීයත්
නුඹට මම පෙම් කරමි අප අපේ නොවූවත්......"

34 Total Nisadas Found