Withanage DCS Nisadas Count (22)
Withanage DCS 2 years ago 108 1 0
නිදිබර වෙලා මා හිඳි කල. යහන පිට සුන්දර දෙවඟනක වත සිඹ දෙමිනි තුට රසබර කතා තෙපළිය මා දෙසවනට සිරිබර පහස දිත හසයුග පැන දොරට නිදිදෙව්දුව පලා ගියෙ සිය ඇඳුම් සලා මදි මට සුවය නිදිගැට හැර සෙවුමි බලා රිදි සිත් මතින් දෙවඟන ගොස් පියාසලා රැඳි හද සොඳුරු ම'පියඹ ඇත තුරුලුවෙලා
Withanage DCS 2 years ago 147 1 2
නිල් කඳු මතින් පායන සුදු සඳවතිය දැල්වෙන පහන මගෙ පැලෙ එළියක් වෙතිය විල් මැද සුපිපි. මුදු. කුසුමය සියපතිය මල් ගී ගයා. හද සනහන. රසවතිය නිල් වන් දිගු රැල්ල වරළස මනා වට රැල් හසරැඳුන. සඳවත මුව පිනා තුට විල් හස කැකුළු තන නැලවෙන විලාසෙට මල් කැකූළක් නැඟෙයි මා හද ගැබේ සිට දුටු සතුටූ මලක් විළසට. පිපී. එන රතු තෙත් ලවන් හසරැල් දී පිරී ගෙන නෙතූ අග බැළුම් දෙන හී සැර විඳී මෙන සතුටින් ඉමි සිහින ජය ගනු සිතීමෙන තොරතුරු නැඟණියගෙ ගම රට එම වසන සස්වාමිකද නැත යන බව අසාගෙන බණවා දෙමාපිය වුව අවසරය. ගෙන නුඹ මට දිනත හැකි නම් තව ඉනා මොන
Withanage DCS 2 years ago 112 1 1
සැළලිහිණි ගමන'තර මඳ නැවතුමෙහි දුටු එ ගඟ අසබඩ ලවැළි මත හිඳි නා මෙනෙවියන් මනහර මිණි වෙණ සුසර කළ නියගින අනන්තවු බුදු ගුණ ද ගයමින දැල්වූ සුවඳ කූරු දුමාරය විඳ දිලෙන තෙ‌ල් පහන් එළියෙ සොඳ සුරතෙ දැරු මල් ඈ පඬුරු පුද අනත වූ බුදුගුණ ගී පිරිත් හඬ ඇසෙත තැන තැන සරින සුමිහිරි දරා හිසමත දුක් කම්කටොලු බර දහසකුත් එක් සොයා යන පිළිතූර වෙහෙර බෝ මළු ද පැදකුණු කර එබූ සුවහසක් නිරාවරිත පා සටහන් මැකි මැකී යළි යළිදු පා සිඹ මතුවෙන නේක රූ රටා වැලිමළුව මත මවමින ඉපිද ,පැවත, නැසෙන දහම පවසන මුනිඳුනගෙ බස් නොම තකා ගෙන යැද සරණ හිරුසඳු ග්‍රහ මඬුලු දෙව්ගණ දහසක් පහන් එළි මැද වුව පහන් නොකෙරෙන අඳ දන මෝහාඳුරක මංමුලා ව වල්මත් වුණ නා රජුන් රජ කළ රජදහනක "අසිරිමත් යුගයක එළඹුම" කියා ගෙන ගඟ දෙබෑ කර ආ නා දූතයන් කොකා කෝලා බඳුනෙ සිරවිණ.
Withanage DCS 2 years ago 88 0 1
තවත් යශෝධරා පවතක් .. යශෝදරවන් කෙනෙක් විය මම සොඳුරු ඒ හරවත් නමින් දරුවෙකුත් මගෙ කුසට දී හිමි හැර ගියා ඉරණම වෙමින් දැරිවියක් හිමි මවක් ලෙස ඉමි තනි අතට දිවි බර ගමින් පුංචි ගෙයි ඉඳ උදවු දෙයි තව "හිමි අහිමි" මගෙ මවු තුමින් හැර දමා ගිය ම හිමි ගැන හෝ සිතලා නොවෙ මම මෙය කළේ වේල හැර තව වේල පිරි මහ ගත්තෙ මගෙ නැති බැරි වෙලේ මතට පෙම් කළ සලෙල පෙම්වත මගෙ සිහින සැම කුඩු කළේ පතා නොසිටිමි ගව්වෙ ගව්වට අව්වෙ රස් අඩු කිසි කලේ සඳ කිඳුරි වී නතුව බඹදත් රුදුරු රජ හී සර වැදී නොලදි වරමක් අග බිසෝ කමෙ මම් ම මගෙ කරුමය විඳී මතට හුරුවුන මගේ පියතුම මඳ වයස් විඳ දිවිය දී මගෙ අම්මත් මා ලෙසින් අද හිමියා නැති තනිකම විඳී විෂම වු නව තරුණ ලොව අද නපුරු මත් අඳුරෙහි වැදී මගෙ මිනිහ වගෙ කපට සලෙලූ පෙම් වතුන් තව ලොව හිඳී අධම මිනිසුන් ලබන්නට මටනොවෙත්වා යළි බවයෙදී දුකම හිමි තව යශෝධරයන් නොවේවා බිහි දිනකදී
Withanage DCS 2 years ago 131 2 1
මැණිකේ මගේ හිතේ මේ ආදරේ දැල්වෙනා මා කියන්නද කෙසේ මා සිත දුකින් වෙවුලනා මනලෝලි ඔබ නෙතේ නැහැ සුව විඳින වාසනා මුදු පවන වී මෙසේ එමි ඔබ ගතෙහි දැවටෙනා මගෙ මෙ පෙම් පතේ මුතු අකුරු වැල් වෙලා සුදු මුදු ඔබ දෙනෙතේ පහස විඳගනිමි ලං වෙලා රුව ඔබෙ මුහුණු පොතේ දැක එහි රැඳෙමි පැටලිලා සොඳුරු සුකොමල වතේ රස විඳ ඔන්ලයින් වෙලා රුවනාරි නුඹ ගමේ හැඩකාර ඉඟ සුඟක් ඇති මනහාරි මෙ බැල්මේ දුටු ගමන් ම සිත බැඳ ගති හැඩකාරි මෙ ඇල්මේ මෙතෙකයැයි කියා නිම නැති සුකුමාරි මෙ ඇම්මේ කියන්නට නිනව්වක් නැති.........? Photo: Thankful credit to it's original owners.
Withanage DCS 2 years ago 118 2 0
මැණිකේ මගේ හිතේ මේ ආදරේ දැල්වෙනා මා කියන්නද කෙසේ මා සිත දුකින් වෙවුලනා මනලෝලි ඔබ නෙතේ නැහැ සුව විඳින වාසනා මුදු පවන වී මෙසේ එමි ඔබ ගතෙහි දැවටෙනා මගෙ මෙ පෙම් පතේ මුතු අකුරු වැල් වෙලා සුදු මුදු ඔබ දෙනෙතේ පහස විඳගනිමි ලං වෙලා රුව ඔබෙ මුහුණු පොතේ දැක එහි රැඳෙමි පැටලිලා සොඳුරු සුකුමාල වතේ නෙත පිනමි ඔන්ලයින් වෙලා රුවනාරි නුඹ මෙගමේ කෙල්ලකි හැඩකාර ගමනැ'ති මනහාරි නුඹෙ බැල්මේ දුටු ගමන් ම සිත බැඳ ගති හැඩකාරි මගෙ ඇල්මේ තරම කියලා නිම නැති සුකුමාරි මෙ ඇම්මේ කියන්නට මට දිරි නැති.........? Photo: Thankful credit to it's original owners.
Withanage DCS 2 years ago 138 2 1
කථා බැරි වුව මටත් ඇත මගෙ රට ගැන නොකියු ආදර සැනසිල්ල පතා ඉසුරු නොවෙ සිනාවෙ දවටලා ඔබට පිදුවෙ මේ මල් ගොල්ල නැතා සුද්දො දැන් ඒ කාලෙ වගෙ හොඳටම හිස් වෙලා ඇත මගෙ මල්ල කතා නැතූව මගෙ කඳුලුත් ඇරන් ගලනවා තවම රම්බොඩ ඇල්ල Photos credit to the orinal right holders
Withanage DCS 2 years ago 124 2 1
"කොරෝනා" ඇගෙ මායාකාර අපූරු නම "කිරුළ"දරන් එන රජ බිසවක් නොවී වුව. හිරු නොබසින අදිරජය සැබෑවට ගොඩනගන බලවු ඇගෙ ඔද තෙජ එළිසබෙත් පරදවන බලන හැම කවුළුවෙන් එබි එබී ගේ තුළට එන්නමයි තැත නිතී මිනීමරු දඟකාර සෙල්ලමක නිරතවී හඹා එන අංගූලිමාල සේ හී සරෙන් ලේ පෙරෙන ඇඟිලි දම උර දරන්. නේක වන් සළුපිළී විටින් විට ගත දරන් "ඩෙල්ටාව" බඳු රුදුරු වෙස් මවා සැඟව සිට කඩාපැන විසාලාවක් මැවු මිහි දෙරණ පුරාවට බිලිගත්ත ජීවිත මදිද තව? කොටින් ගැවසෙන මායිමේ ගමට ගහනා බය දැනී කැලේ සැඟවුනාසේ... අපි සැවොම ඈ එක්ක හැංගි මුත්තං කෙළින සෙල්ලමේ ලොව එළිය දැක ගන්න බල බලා කොහේ හෝ සිටින අඳ කෙනෙක් මගේ ඇස් අරගන්න.... මෙලෝ අවසන් දිනේ මගෙ උතුම් ඒ පැතුම.... පණ නිරුද මගේ කය වෙද සිසුන් හට පිදෙන.. ඒ පැතුම් හැම සුන් කරයි, දැන් ඉතින් හිතුවක්කාර පිස්සු දඟමල්ල ෂිං පිංගෙ දඟකාර පොඩි කෙල්ල නවතපිය දැන් ඉතින්. වී මෙල්ල තිගේ ඔය මිනීමරු දැඟලිල්ල.
Withanage DCS 2 years ago 165 0 2
පිණි විසිරුණ උදාසනක රන් තැටියක් වගේ යසට පුංචි කාලෙ ඉඳ හඳුනපු. කිරි පැණි දෙන කතා කියපු. මිහිදුම් සළු ඇඟලා ගෙන සිහිළ් සුමුදු කිරණ හලන් සඳක් වගේ හොරෙන් ඇවිත්, මං රවටන්න ද සිතුවේ? ඔබෙ ඔය රතු ඇස් දුටුවම, දුෂ්ට නපුරු බස් ඇහුනම හඳුනගතිමි කවුද කියා.
Withanage DCS 2 years ago 135 0 0
එක මගක් පීලී දෙකක් වෙන වෙනම ඒත් කිසිදා එක් නොවී එකම ගමනක් යන. අහස සිඹිනා උසම තැන මනබඳින රුක් ගොමු පිරි කඳු වළල්ලෙන් දෙබෑ වුණු නිම්නයක සොඳුරු බවින් වශීවී.... අත් අල්ලා ගෙන ගියත් පණ ට පණසේ යත හැකිද දෙපා නංවා එකට එක්වී... තනි තනිව මිස දුක් නිවා සනසවන "ලෝකාන්තෙ"ට . හදිසියෙම පාත් වන යන මගට හරහට.. බාධක නීවරණ කොයි ඉඳන්දෝ කඩා හැලෙන චිරි චිරිය වැහි කෝඩ ආ මගත් යන මගත් වසාලන ඉස්සරහ නොපෙනෙන ගණ මීදුම් පොරවනය දෙකන් තුල යවුල් අනිනා සීතල සුළඟ.. භයංකර හූ හඬින් පිඹ ගෙන හමා එන .. ගුප්ත වු හුදෙකලා පරිසරය සිතේ හොල්මන් කරන සිල්බරන් කොට කල මතින් පැන පැන යමින් ගිමන් හරිමින් ඊළඟ නැවතුම් පළින් තවත් එකකට බැඳුණු ඈතින් ඈතට දිවෙන නෙත් නොගැටෙනා ඉමක් නැති සංසාර ගමන සේ දුකර වූ මේ ගමනතර ඇස ගැටෙන ගල් අතර ඉඳ හිට පිපෙන පුංචි මල් දැක නැගුණි හසරැල්..
Withanage DCS 2 years ago 151 0 0
විකසිත මෙ ලබුමල දුටු සැණැ පිපුණි ඉස්මල සපිරුණත් මනදොළ කුරුමි බල වනසයිද එහිපල (largenaria siseraria)දියලබු https://www.facebook.com/628557687554332/posts/634654876944613/
Withanage DCS 2 years ago 126 1 1
" දිනකර දිනෙහි සේවය නිම කරන වෙලේ බටහිර දිග අඹර ගිණි ගෙන විලස දිලේ රතදර වලා පෙති වැනි රතු රෝසමලේ මනහර සිතුවමකි, අවරඹරෙ නිම කලේ. අසිරිය සැඳෑ හිරු සොඳුරු රත්පල විඳපිය හැකි සැඳෑ නොව දවසෙ හැමකල මිහිරිය දකිත හැකි මල් පඳුර මනකල වැහැරිය නම "සැඳැ හිරු සීනුව" උදුල සරන විට සෙවණ ඇති තම උයන් වල දකින නිතර පඳුරකි, තඹ පැහැය කොළ විඳින මිහිර තැවරූ නෙතඳුනක පල සොඳින සොබා දම අගයමි සෑමකල Common names "sunset bells" "Black Flamingo" "copper leaf" "Chrysothemis Pulchella" is the Botanical name Chrysothemis taken from Greek mythology, "godess for golden harvest.".ග්‍රීක ප්‍රබන්ධයේ එන "වගාවේ රන් අස්වැන්නට අධිපති" රූබර දෙවඟන වූ ක්‍රයිසොතෙමිස් ගෙ නම මේ මලට යොදා ඇත. Picture courtesy: internet
Copyright © 2021 Nisadas | Powered by Arvin Apps
